महाराष्ट्र राज्य महामंडळाच्या योजना

या योजनेअंतर्गत रु.50,000/- पर्यंत प्रकल्प गुंतवणूक असणा-या व्यवसायांना आर्थिक सहाय्य दिले जाते. यामध्ये रु.10,000/- पर्यंत किंवा 50% अनुदान महामंडळाकडून व 50% रक्कम कर्जरुपाने राष्ट्रीयीकृत बँकेकडून दिली जाते.

सन 1978 ते जानेवारी 2017 पर्यंत एकूण 5,51,297 लाभार्थ्यांना रु. 26,278.87 लाख इतका लाभ देण्यात आलेला असून सन 2016-17 मध्ये विभागनिहाय लाभधारकांची संख्या खालीलप्रमाणे आहे.

बीज भांडवल योजना

या योजनेअंतर्गत रु.5 लाखापर्यंत गुंतवणूक असणारे प्रकल्प विचारात घेतले जातात. महामंडळाकडून 20% बीज भांडवल रक्कम उपलब्ध करुन दिली जाते. प्रकल्प रकमेच्या 5% रक्कम स्वत:चा सहभाग म्हणून अर्जदाराने भरावयाची आहे. उर्वरित 75% रक्कम ही बँकेकडून मंजूर केली जाते. महामंडळाकडून मंजूर केलेल्या बीज भांडवल रकमेवर 4% व्याजाचा दर आकारला जातो. तसेच महामंडळामार्फत रु.10,000/- चे अनुदान देण्यात येते.

सन 1978 ते जानेवारी 2017 पर्यंत एकूण 81879 लाभार्थ्यांना रु. 12045.49 लाख इतका लाभ देण्यात आलेला असून सन 2016-17 मध्ये विभागनिहाय लाभधारकांची संख्या खालीलप्रमाणे आहे.

प्रशिक्षण योजना

सदर योजनेअंतर्गत विद्यार्थ्यांना स्वयंरोजगार करण्याचे द्दष्टीने प्रशिक्षण दिले जाते. साधारणपणे प्रशिक्षण फी प्रति उमेदवार व्यवसायाच्या स्वरुपानुसार ठरविण्यांत येते. प्रामुख्याने खालील व्यवसायाकरीता प्रशिक्षण देण्यांत येते.

उदा.वाहनचालक, टी.व्ही.व्हीडीओ, रेडीओ दुरुस्ती, टेलरिंग, वेल्डींग, फिटर, संगणक, ई मेल व विविध व्यवसायनुरुप प्रशिक्षण दिले जाते. प्रशिक्षण योजनेंतर्गत प्रशिक्षणार्थींना दरमहा रु. 1000/- विद्यावेतन देण्यांत येते. तसेच महामंडळामार्फत प्रशिक्षण संस्थेला प्रशिक्षण फी दिली जाते.

सन 1978 ते जानेवारी 2017 पर्यंत एकूण 61200 प्रशिक्षणार्थींना रु. 2085.69 लाख इतका लाभ देण्यात आलेला असून सन 2016-17 मध्ये विभागनिहाय प्रशिक्षणार्थींची संख्या खालीलप्रमाणे आहे.

महात्मा फुले मागासवर्ग विकास महामंडळाची रु. १,००,००० ची
थेट कर्ज योजना

ऑनलाईन व ऑफलाईन अर्ज स्वीकारण्याची तारीख दिनांक ७ जानेवारी २०१९ पासून
२५ जानेवारी २०१९ पर्यंत कार्यालयीन वेळेत.